گلگت بلتستان میں چودہ ہزار فٹ بلندی پر واقع برزل پاس کو پاک فوج نے عام ٹریفک کے لیے کھول دیا !!
۔ ۔
کمانڈر 10 کور راولپنڈی لیفٹیننٹ جنرل بلال اکبر نے برزل ٹاپ کھولنے کا افتتاح کیا۔ برفباری کی ریکارڈ کے باوجود برزل ٹاپ کو اپریل میں کھول دیا گیا جو کہ برزل ٹاپ کو گزشتہ سالوں میں جون جولائی تک کھولتا تھا۔ کمانڈر ٹین کور لیفٹیننٹ جنرل بلال اکبر کی جانب سے کام کرنے والے جوانوں اور آفیسرز کو شاباش دی۔
اس دوران کمانڈر ٹین کور لیفٹیننٹ جنرل بلال اکبر کے ہمراہ فورس کمانڈر گلگت بلتستان میجرجنرل احسان محمود بھی ہمراہ موجود تھے۔ پاک فوج نے اس سال بے پناہ برفباری کے باوجود گلگت بلتستان میں تقریباً14,000(چودہ ہزار) فٹ بلندی پر واقع برزل پاس (Burzil Pass) کو پاک فوج نے عام ٹریفک کے لئے کھول دیا ہے۔ کور کمانڈر راولپنڈی لیفٹیننٹ جنرل بلال اکبر نے اس سلسلے میں برزل پاس کا خصوصی دورہ کیا اور برزل پاس اوپننگ کا افتتاح کیا- فورس کمانڈر گلگت بلتستان میجر جنرل احسان محمود خان ان کے ہمراہ تھے۔ انہوں نے چلم چوکی سے برزل اور بعد ازاں چھوٹا دیوسائی تک جیپ اور سنو وہیکل میں دورہ کیا اور فوجی افسروں، جوانوں اور علاقے کے عوام سے ملاقات کی۔ علاقے کے عوام نے پاک فوج پر مکمل اعتماد کا اظہار کیا۔ استور سے برزل پار گاڑیاں چلنا شروع ہو گئی ہیں۔
پاک فوج نے موسم سرما کے دوران بھی سنو وہیکلز پر مقامی اساتذہ سمیت زندگی کے مختلف شعبہ جات سے تعلق رکھنے والے افراد کو اپنی منازل تک پہنچایا۔
یہاں یہ امر بھی قابل ذکر ہے کہ لائن آف کنٹرول کے اس پار بھارتی فوج تا حال تقریباً گیارہ ہزار پانچ سو فٹ بلندی پر واقع زوجیلہ پاس نہیں کھول پائی، جس سے مقبوضہ لداخ کے عوام میں انتہائی بے چینی پائی جاتی ہے کیونکہ معمولات زندگی مفلوج ہو کر رہ گئے ہیں۔
۔ ۔ ۔
#shefro
